Tabata un momento historico y transcendental pa SVb cu e lansamento di e plataforma digital MiSVb 2.0, SVb ta sigui cu e vision cu el a cuminsa cun’e algun aña atras vision 2020, caminda cu a propone pa transforma SVb di un organisacion tradicional, un organisacion burocratico y basta cera, pa uno habri, moderno y digital.

Segun director ir. Edwin Jacobs, esaki ta pone e prome paso y un paso solido, for di awo p’adilanti e relacion di SVb cu su clientenan, den e caso aki e dunadonan di trabao, no lo bay ta manera e tabata mas. Ta drentando e era digital. Ta cerando un decada y habriendo uno, añanan 20.

SVb a introduci su plataforma nobo MiSVb 2.0

SVb a introduci su plataforma nobo MiSVb 2.0https://24ora.tv/2CRlclO

Posted by 24ora on Sunday, November 17, 2019

Den añanan 20, transformacion lo ta e concepto central den SVb. Nan lo ta transformando nan mes, brindando nan clientenan tur e servicionan digital. A cuminsa cu e dunadonan di trabao prome. Tur servicio cu nan por haya, ta digital. Nan por haci cambio, inscribi trahadonan digitalmente, 24 ora pa dia y 7 dia pa siman. Nan por mira locual ta nan compromiso cu SVb y locual ta SVb su compromiso cu nan. Un transparencia cu anteriormente no tabata existi. Pero cu digitalisacion ta permiti y cu lo sigui emplea digitalisacion pa por sigui mehora y sigui transforma.

Un cos si, segun Jacobs, digitalisacion ta den funcion di e meta principal di SVb cu ta esun cu ta duna SVb su derecho di existencia. Esey ta cu nan ta aspira siguridad social, ta aspira proteccion social pa henter nos comunidad.

E proceso ta cuminsa den cas, papiando kico kier y kico lo haci, segun Luis Tromp, hefe di e departamento di pensioen y kende a keda encarga cu e proceso di digitalisacion. A sali cu kier bin cu un website, caminda cu e doñonan di trabao por haci cambio, na luga cu SVb ta haci cambio. Tur esaki a bin despues cu afdeling premieheffing constantemente tin atraso den procesamento di documento.

Loke a pasa, cu tin ya caba e muestra di e portal di pensioen. For di eynan a acerca ITP y a cuminsa pone e bala lora pa trah’e. For di eynan e trahamento ta bin, nan tabata sa kico nan tabata kier y bisa loke nan tin mester. A documenta tur cos, full un proceso, pa finalmente e parti di testmento a cuminsa cu su cambionan, te ora cu tin un producto caminda cu ta bisa cu lo bay bira definitivo. A keda test te ora cu tin e producto final, cual tabata e website actual.

E website ta e cambio cu ta importante pa loke ta e departamento di IT specialmente pa modernisacion di nan sistemanan, caminda cu dunado di trabao, specialmente cu tin cu busca informacion, tin cu traha su detayenan, specialmente ta haya esakinan den nan sistema, segun Gilbert Kelly, hefe di e deparamento di IT. 


Comments

comments