Diahuebs anochi den Compleho Deportivo Guillermo P. Trinidad a tuma luga e grandioso wega division Damas entre e Pumanan di Piedra Plat esta SV Britannia contra di e muchanan di Angochi, esta Arsenal. SV Britannia ta bin di 13 wega gana y un empata y un perdi. Di otro banda Arsenal ta bin di 3 wega gana y 10 perdi. E wega ariba su mes no tabatin mucho interes tumando na cuenta cu SV Britannia a clasifica caba y di otro banda Arsenal ya no tabatin ningun chens mas. Pero ambos ekipo deportivamente a presenta completo riba tereno y te hasta nos por bisa cu SV Britannia a presenta cu un futbolista nobo den persona di Jean-Nira Croes kende ta bin di RCS. E wega tabata bastante balansa y tur cos tabata mustra cu e wega lo termina den un empate di 2-2, pero ta den final di wega cu SV Britannia a anota e gol di victoria. E golnan di Britannia a wordo anota pa; Jean-Nira Croes, Josanne Maduro y Tari Doornkamp. Un pabien ta bay na e Pumanan cu un biaha mas lo bringa pa e titulo di campeon di Aruba, pero nos tur sa cu e biaha aki lo no ta un tarea facil.

Comments

comments