Diadomingo atardi tabata tin continuacion di campeonato di AVB ora cu e pumanan di Piedra Plat esta SV Britannia Frisian Flag a topa cu e speransanan berde di Savaneta den stadion Guillermo P. Trinidad.
SV Britannia Total Finance a cuminsa cu e siquiente aliñacion; Kendrick Dania, Carl Geerman, Derwin Donato, Junel Sanchez, Jaimz Kaan, Cristian Navarro, Daniel Linscheer, Johnatan Ruiz, Lionel Tromp, Luis “Coco” Estrada Walter Rangel, ariba banki tabata; Calos Geerman, Rubison Geerman, Luis Murillo, Rolston Jeffrey, Thionne Oduber, Francis van der Linden y Rayderick Koolman. Un cambio notable den e aliñacion di SV Britannia Pizza Hut tabata cu Cristian Navarrio a cuminsa na lugar di Rolston Jeffrey y di otro banda La Fama a cuminsa practicamente cu su mes un equipo hoben cu algun hungadornan di experencia.
E wega a cuminsa unda cu SV Britannia a cuminsa domina e wega pero por a nota cu den medio campo SV Britannia Bright Bakery no tabata dominante pero si tabata efectivo den pone e bala den net. Tabata na di 32 minut cu e ex hungador di La Fama cu a join e pumanan di Piedra Plat esta Daniel Linscheer cu ta anota e prome gol di e atadi pa manda su equipo ariba 1-0 y asina halftime a bai aden cu un ventaha minomo di Britannia ariba La Fama. Den di dos tempo tabata Luis “Coco” Estrada cu ta ricibi un pase perfecto di Cristian Navarro pa amplia e ventaha di 2-0 pa SV Britannia.
Despues cu SV Britannia Western Union a hasi algun cambio e hoben Thionne Oduber ta anota gol number 3 pa hasi e score 3-0 na fabor di Britannia y asina tambe e wega ta bin caba cu score di 3-0 y SV Britannia Bright Bakery ta acumula 6 punto den dos wega. Pabien na e equipo di Britannia, staff technico y na e fanatica cu tabata sa di responde un biaha mas. Proximo wega di SV Britannia Frisian Flag ta contra di Riverplate diadomingo awor.
