Parlamentario Alan Howell di Fraccion di POR ta indica cu su meta ta pa nos muchanan por compronde e reglanan di trafico mas cla y tin un miho resultado durante School Verkeer Examen.
For di diferente estudio cu el a haci riba e tema aki por conclui cu nos muchanan lo compronde e preguntanan miho y lo por tin un resultado final mucho mas halto si e examen aki wordo haci na nos idioma Papiamento.
Howell ta indica cu durante e examen ta toets e conocemento di e reglanan di trafico y no e idioma Hulandes.
Actualmente e unico scolnan cu ta traha examen na Papiamento ta e scolnan special y e dos scolnan den ‘pilot project’ multilingual. Alan Howell ta gradici ministernan Bikker y Lampe pa sostene su pensamento y peticion na bienestar di nos muchanan. “Together we can make it better”.
