Kiwanis Club of Aruba y Cruz Cora Aruba ta invita e comunidad di Aruba pa e proximo sesion informativo di e campaña di conscientisacion “No Sconde Mas” cu lo tuma lugar diamars, 30 di october cuminsando pa 7 y mei di anochi. Den e ultimo lunanan a bishita diferente bario di Aruba: San Nicolas, Brazil, Noord y Playa Pabou.
E anochi ta un oportunidad pa siña for di profesionalnan riba e tema di abuso di mucha y conoce e señalnan con pa reconoce esaki y ki pasonan pa tuma. E panel aki ta consisti di Dr. Louise Rafael-Croes, Sra. Janine Rodriguez y Comisario Trudy Hassell. Cada un ta aporta na e topico for di un angulo diferente, esta como dokter di mucha, trahador social y polis. Tur ta experiencia abuso di mucha diariamente. Hunto como team nan ta presenta “Con pa reconoce señalnan di abuso y kico pa haci?”
Ban sostene hunto tur esunnan mas vulnerabel den nos comunidad y cu no tin voz of sosten optimal. Atende un charla, pa hunto nos yuda!
NO SCONDE MAS!