Ayera nochi a tuma luga e parada tan spera di Noord, cual ta e Sunset Parade. Durante oranan tempran di anochi un publico grandi a sa di busca nan luga, pa asina presencia un parada cu tin cu bisa basta bon. 5 grupo a forma parti di esaki.
E parada a sali for di Chengs Supermarket na Bubali y a caba te na Centro di Bario Noord. e parada tabata encabesa pa Quality Brassband, compaña pa e prins y panchonan di carnaval y tambe reina infantil, hubenil y grandi. Despues a sigui The New Generation Steelband, Seroe Janchi hunto cu BMW. Mixnan di Noord hunto cu Le Groove. Sabana Liber tabata bpm anima pa Tsunami. Empire cu su Machika a wordo compaña pa Buleria.
Kokinan di Turibana a wordo compaña pa D’licious y por ultimo Steam a cera e parada den e Last Lap. Un parada a todo dar. Publico presente a remarca di sinti cu pa otro aña e parada aki lo bira mas grandi cu esun di aña aki, no solamente pasobra Carnaval lo celebra 65 aña, sino e ambiente unico cu Noord sa di brinda.
