Prome Minister, mr. Evelyn Wever-Croes, a reacciona riba e parti di a suavisa e medidanan. El a indica cu a demostra durante e aña cu manera e casonan aumenta ta bin bek cu e medidanan. Nan kier evita esey, pero manera mester ta haci esey. P’esey a tene e conferencia prome cu e fin di siman largo, pa haci apelacion na tur politico pa yuda pa sigui cuida.
E ta enfatisa cu e decision tuma no tin nada di haber cu eleccion ni campaña. Pero ta uno cu e beleidsteam di Crisis Team a tuma siman pasa diahuebs. A anuncia esaki dialuna ya cu e dia ey e flexibilisacion a drenta vigor. A flexibilisa e medidanan pa motibo cu e casonan ta bou di 100, pero tambe hospital su situacion ta bou control y grado di vacunacion ta aumentando.
Segun e mandatario, esey ta e tres criteria cu nan ta uza pa escala of baha medida. E medidanan aplica ta bay hopi leu y cada tres dia nan tin di evalua con ta para cu nan. Pa casualidad e ta mesun tempo cu campaña.
