Diaranson anochi alrededor di 9:45 pm brandweer a presenta cu urgencia na oficina di Elite Production p’un alarma di candela. Na yegada, nan a topa e edificio cubri completamente bou huma. For di pafo por a nota cu e oficina parti dilanti tabata bou huma. Mesora bomberonan a bisti nan “gear” y drenta via e deposito (warehouse) p’asina combati e candela. Compaña pa personal di Elite y polis, a logra drenta den e oficina y combati e candela aki.
Te na e momentonan aki, no ta conoci kico ta e origen di e candela. Un rato despues a habri e portanan parti dilanti p’asina e huma por sali. E edificio ta situa den Schotlandstraat, net pariba di Ling and Sons, e propietario tambe a presenta pa monitor henter e proceso na su negoshi.
