Studiantenan di Colegio San Nicolas un biaha mas ta sinti nan mes perhudica. For di october ultimo nan no tin un docente di Natuurkunde. Mientras cu dianan ta pasa, nan ta keda sin haya les.
Un vocero di studiantenan a tuma contacto cu 24ora.com y a splica cu dia 30 di october tabata ultimo biaha cu nan tabatin e docente. Dianan a bisa y no ta mira un solucion pa nan cu ta den examenklas. Nan a manda diferente carta pa minister y te dia di awe nos a ricibi ni un contesta. Niun hende por bisa nan kico lo bay pasa. Si mira bon, falta algun luna pa e periodo final yega.
A haya un reaccion breve for di sra. Didder di Management Team di Colegio San Nicolas. El a splica cu DPS (Directie Publieke Scholen) ta esnan cu ta contrata e docentenan y por duna comentario. Solamente e por bisa cu for di augustus DPS ta na altura cu e docente en cuestion su ultimo dia di trabou ta 31 di october, 2020.
Di otro banda, informacionnan cu ta drenta ta mustra cu tin malcontento grandi na Colegio San Nicolas. Pero tambe hopi promesa haci cu no a cumpli cu nan y materialnan cu no t’ey pa e studiante. Pero hopi mas cos. Ta spera cu den e proximo dianan mas problema lo sali na cla.
