Durante e celebracion di hubileo di 25 aña di Genootschap Nederland-Aruba, a invita tambe e rector di Universidad di Aruba, dr. Viola Heutger, pa analisa e nivel di exito den estudio (studie succes) na Hulanda, di parti di e studiantenan Rubiano. E experro den enseñansa a bisa cu “Lamentablemente nos ta constata cu e studiante Rubiano no ta logra slaag na final di su estudio na nivel avansa na Hulanda. Ta nota cu estudionan ta bay hopi mas largo, ta drop out of ta cambia di estudio masha hopi. Y mi ta puntra mi mes dicon esaki ta asina”.
Dr. Viola Heutger a contesta su mes, sugeriendo si nos por prepara e studiante miho na cas, prome cu e opta pa subi avion bay Hulanda pa sigui studia. Tambe e ta sugeri pa e studiante investiga kico tur por studia na Aruba mes, sin cu mester tuma e trayecto largo di bay studia den un pais desconoci, cu otro idioma, otro cultura y hasta cu otro clima. Y ta bin acerca e punto si como hende, si bo ta asina custuma na cas cu bo famia, si bo lo por studia trankil leu di nan y leu di tur bo custumbernan.
“Y aki nos ta nota cu tin un porcentahe hopi mas halto di exito memey di e studiantenan cu opta pa sigui nan estudio avansa na Aruba mes, den comparacion cu esunnan cu a bay sigui studia na Hulanda”, asina e rector a duna di conoce. Di otro banda, e experto den enseñansa a contesta cu pa por mehora e cifranan aki y haci e studiante mas exitoso na Hulanda, cu mester bin un adaptacion urgente.
Entre otro e ta haya cu, por ehempel, den e ultimo aña di estudio, mester un miho preparacion pa e studiante cu tin pensa di sigui studia na Hulanda. Separa di esey, na momento cu e studiante scoge cua direccion e ta sigui den su estudio, pa no lag’e subi avion y bay di biaha. Na Universidad di Aruba, por ehempel, nan a cuminsa cu un “Academic Foundation Year”, cu ta precisamente pa e studiante por traha riba su deficiencianan, pero specialmente pa e por siña kico ta su inclinacion, kico e mes kier, kico e ta para p’e den bida, ki tipo di habilidad mi mester por desaroya pa mi por progresa y pa caba cu mi estudio den forma facil. Y un aña academico asina, ta yuda e studiante hopi, na opinion di Viola Heutger.
Loading…
Reload document 
Open in new tab 
