WEB tabata tin un anochi basta exitoso na Centro di Bario Lago Heights. Joseph Everon, hefe di departamento di proyecto di WEB y ta conta cu esaki tabata un stakeholdersmeeting, como cu WEB ta bira un bisiña nobo den e comunidad na Lago Heights, cu introduccion di e Parke solar. A kere ta prudente pa haci un stakeholdermeeting pa introduci su mes y e proyecto.
Esey tabata e obhetivo di e meeting. Tambe a keda hopi contento, mirando e asistencia grandi cu tabata tin durante e reunion aki. Tabata tin preguntanan hopi al dia y critico. WEB ta contento cu e comunidad tabata kier e informacion eynan. Manera un compania transparente WEB ta duna e informacion tambe.
Inkietud den pueblo
Everon a splica cu semper tin inkietud. Pesey mes e anochinan informativo, of e informacion cu nan ta saca den prensa ta hustamente pa contesta e inkietudnan y tambe duna e informacion cu comunidad kier.
WEB tin un plan cu constantemente ta informa via rednan social, website, pero tambe anochinan informativo, cu ta mirando ta hopi exitoso y sigur sigur esakinan lo bay sigui den e proximo temponan, Everon a termina bisando.