E salida di Inglatera for di Union Europeo ta haci cu pa paisnan y teritorionan ultramar (e asina yama LGO’s pa cual Corsou, Aruba, St. Maarten, Boneiro, St. Eustatius y Saba ta pertenece), pa e periodo di 2021 – 2027, tin mas placa disponibel for di Brussel. Esaki segun un carta cu Minister Stef Blok di Asuntonan Exterior a manda pa Tweede Kamer.
Aunke Brexit a reduci e quota total disponibel e “donacion teritorial” pa e e LGOnan di Hulanda y Francia, lo aumenta di 152,5 pa 159 miyon di Euro. En total 500 miyon ta disponibel den e periodo menciona, e mita cu ta destina pa Groenland (60 mil habitante) perteneciente na e Reino di Dinamarca. E decision actual di LGO lo expira na 2020.
Den e enfoke nobo aki lo concentra riba e realisacion di e obhetivonan climatico acorda den Nacionnan Uni y e cooperacion di e UPGnan. Gobierno Hulandes a probecha e negociacionnan riba un decision nobo di e LGOnan pa yama atencion di e gran diferencia den tratamento di LGO y UPGnan den e ayudo despues di desasternan natural como ta e caso di horcan Irma.
Gabinete Rutte tambe ta argumenta cu “e conexion entre e paisnan Hulandes y di Reino den Caribe ta rekeri un cooperacion constructivo. E cooperacion cu Union Europeo ta un di e pilarnan di esaki y por garantisa un mayor desaroyo positivo di e Relacionnan di Reino.”
Cu e salida di Gran Britania di Union Europeo, e cantidad di LGOnan ta reduci na mita. Cu un LGO Besluit pronto tur e miembronan (pronto 27), lo mester acepta. Esaki por bira ainda mas dificil: E paisnan di Europa Oriental no ta ansioso pa apela na e fondonan di Union Europeo pa nan ex colonianan.
