Diahuebs a tuma luga un referendum na Costa Linda Beach Resort, pidi pa Sindicato STA. E biaha aki a enfoca solamente riba e departamento di mantencion. Eyden tin 28 trahado cu por vota, di cual 17 a haci uzo di nan derecho. Tur a vota na fabor di STA, cu tabatin mester di por lo menos 15 voto pa por reconoce.
Mester menciona cu na Juli 2016 caba e sindicato FTA a purba drenta e hotel. E tempo ey un total di 112 trahado tabatin derecho di voto, di cual solamente 47 a haci uzo di nan derecho y 44 so a vota pa Sindicato FTA. Consecuentemente nan a perde e referendum.
Awor negociacion lo mester inicia entre gerencia di e hotel, conoci pa su huespednan Time-Share di hopi aña caba y Sindicato STA.
