Despues di 2 aña e evento ta bek. Sport Caribe huntu cu FPNC (fundacion pa nos comunidad) ta organisa una bes mas, e shoe trade event. E evento aki ta tuma lugar dia 1-2-3 di Maart na Sport Caribe, y tin como gol prinicipal pa recauda sapatonan den forma di donacion, pa asina FPNC por tin sapato pa donacionan cu lo wordo hasi na famianan di menos recurso y otro instancianan cu ta yuda esnan menos afortuna den nos comunidad.
Durante e shoe trade in event aki, Sport Caribe a partner up cu FPNC, y asina trece dilanti un incentiva adicional, pa esnan cu ta hasi un donacion di un paar di sapato. Ora di entrega di paar di sapato segunda mano, por haya 50% of mas di descuento riba tur keds den tienda! Asina ki, cada persona cu hasi un donacion, ta haya e oportunidad pa mesora cumpra un paar di sapato nobo, di e marca adidas of Reebok, na un tremendo prijs.
Nos tin FPNC y Sport Caribe ta invita pueblo pa participa, y pasa serca nos na Emmastraat #3, dia 1-2-3 di Maart, unda evento lo ta andando di 10 or di mainta te cu 7 or di anochi.