Na un manera hopi creativo, e alumnonan di Scol Practico pa Ofishi (SPO) Santa Cruz a tene un competencia p’e sombre carnavalesco y nos por bisa cu e muchanan en berdad tin hopi talento, mirando con nan a uza nan imaginacion cu material recicla p’asina nan bin cu nan creacion.
Por a mira sombre traha di saco di chips y popcorn como tambe traha di carta, pluma y stenchi (un di e ganadonan).
Tambe, mirando cu nos ta den Carnaval 69, un di e alumnonan a traha un sombre cu e cifra 69 riba dje, sigur yamando atencion dje hurado e momento ey.
Riba e imagennan adhunto nos por mira e sombrenan cu a resalta como tambe e ambiente cu tabatin entre e docente- y e alumnonan den cura di SPO na Santa Cruz.
Un palabra di felicitacion ta bay n’e docentenan cu a sa di hinca un celebracion bon hinca den otro, unda cu e muchanan por a gosa sin fin di nan actividad di Carnaval.
N’e ganadonan tambe ta bay un palabra di pabien cu nan creacion.
