Diabierna ultimo, e coleganan di meneer Edgar ‘Ricky’ Martis, a honr’e cu un recepcion, unda cu nan a despedi di dje.
Aunke cu el a baha cu un pensioen bon mereci, toch nan ta tristo pasobra nan a perde un di e baluartenan di enseñansa.
Meneer Martis a cuminsa traha den enseñansa na augustus 1987 y a duna les na diferente scol. Entre otro na Technische School na Tarabana, John F. Kennedy Technische School, EPB, avondschool y por ultimo na SPO Santa Cruz.
Meneer Martis tabata mentor di hopi hoben cu a sigui pa un miho rumbo den bida y sigur e lo sinti falta.
Tur docente y alumno di SPO Santa Cruz y di enseñansa en general, ta desea meneer Martis hopi exito cu su etapa nobo den bida. “Gosa Dushi y corda pasa bishita nos na scol pa nos sigui comparti,” ta loke a post riba e pagina di Facebook di e scol.
Tambe di parti di Headlines Group, cas editorial di 24ora.com y TREMPAN, nos ta desea Meneer Martis hopi exito.
