Den un comunicado di prensa emiti pa team di Soul Music Beach Festival, no lo organisa e festival pa e aña aki.
Esaki ta despues cu gobierno di Aruba a confirma cu no lo tin eventonan grandi local pa loke ta e fin di siman di Memorial Day (mei 2021).
Si loke nan a anuncia cu entusiasmo di e regreso di Soul Beach Music Festival pa mei di 2022. Ademas, ta discutiendo di e opcionnan pa un evento adicional di Soul Beach 2021 pa fin di e aña aki. E team lo tuma e decision aki den e proximo dianan mientras cu tin mas claridad. Pero tin cu tene na cuenta cu lo sigui cu dialoga cu funcionarionan na Aruba y lo traha hunto pa planea e proximo evento mientras cu semper ta mantene tanto bishitantenan di e festival, e artista, socio y staff safe.
E team di Soul Beach Music Festival ta gradici tur hende pa nan pasenshi y tur e-mail di apoyo cu a ricibi durante aña pasa. Ta e apoyo aki, hunto cu socionan sobresaliente y Aruba, ta loke a sostene e evento aki durante e ultimo 20 añanan y a genera entusiasmo pa futuro.
Ken cu por tin un ticket di entrada pa e festival 2020 lo ricibi un e-mail prome cu dia 7 di april cu lo permiti conserva nan ticket pa un futuro intercambio den 2022 of ricibi placa bek. Si no a ricibi e e-mail prome cu e fecha, tuma contacto cu e team na [email protected].
