Persona den area di Mini Market patras di Caya Grandi a hay’e confronta cu un homber cu cuchiu den man cu mal intencion riba dje. Segun e persona, el a hay’e ta core pa su bida.
Esaki a sosode aproximadamente 8:45 PM den Steenweg ora cu un homber flaco, color scur cu bril a sali riba dje cu cuchiu den man den su direccion. No a basila y a core direccion Miraflorweg caminda e ta biba pa asina haya chens di bati alarma na autoridad.
Patruya cu a presenta a tuma dato, descripcion y mesora a cuminsa un buskeda den e area. No a tarda mucho cu na bushalte chikito a bin topa cu e sospechoso, cu tabata cuadra cu e descripcion duna.
A detene e homber aki y transport’e pa warda di polis na Playa pa asina e bay duna cuenta di su acto.
