Despues di investigacion y vigilancia pa algun dia caba, awe a detene sospechoso Lindo Padilla den area di Playa. Segun informacion e persona aki ta naci na Colombia y ta un figura peligroso relaciona cu menasa serio.
Pa algun tempo caba un team di polis investigativo di Noord ta buscando e sospechoso peligroso aki. E homber aki ta e sospechoso principal den un caso serio di menasa. Despues di vigil’e pa algun dia, awe a canta bingo.
Alrededor di 4:00 pm a nota di presencia di polis den Hendrikstraat y Caya Ernesto Petronia. Polisnan tabata para strategicamente campando pa pone man riba e sospechoso aki. Un rato despues a logra para un Nissan March color ros numera A-73414 net panort di Manuelito’s Bar den Koningstraat na Playa.
A detene e sospechoso y transport’e pa warda di polis. E otro persona cu tabata cu ne den auto a sigui su caminda.
