Desde cu minister di Enseñansa a trece dilanti e topico di fusering di Emma School y Paso pa Futuro, tanto e docentenan como sindicato SIMAR a protesta contra e idea aki. Na diferente ocasion nan a mustra nan mal contento. Ultimo nan a manda un carta pa minister president riba e asunto aki.
Awe sindicato SIMAR no a ricibi un carta pero si a haya un WhatsApp unda ta bisa cu e fusering no ta sigui. Pero loke si e minister kier pa sigui cu e mudamento di scol. E mandatario kier pa scol Paso pa Futuro bay den e edificio di Emma School. Presidente di SIMAR, Josephine Albertus, a expresa cu no tin hopi claridad.
Tambe minister presidente a bisa cu lo bay pone den un carta. Loke e sindicato a ricibi via e WhatsApp, mañan mainta ta bay tin un reunion extraordinario di e docentenan di Emma School na SIMAR. Mañan mainta desde 7:30 pa 9:30 e docentenan lo ta un biaha mas na SIMAR pa papia riba e asunto aki.