Camara di Comercio (KvK) a recientemente haci un encuesta riba loke ta trata ‘Labor Shortage’ of dus escasez di trahado na Aruba. Martijn Balkstein, director di Camara di Comercio Aruba ta splica cu ta varios biaha por a scucha kehonan di comerciante cu nan no ta haya suficiente hende cualifica pa yena nan vacaturanan. KvK a busca rond y no tin un bista amplio na ningun instancia di e cantidad di escasez ta. KvK a inicia e sondeo y manda e encuesta aki na tur comerciante registra cerca nan y den tempo record a haya contesta di mas cu 400 compania.
Diabierna atardi Camara di Comercio ta publica e resultadonan riba nan rednan social y ta comparti esaki pa tur compania. A base di esaki, por a constata cu 66% di compania ta indica cu ta casi imposibel pa haya personal cualifica, 41% di compania ta indica cu nan ta busca entre cinco y dies hende, hasta tin 20% cu ta buscando ariba di dies hende; dus ta un cantidad bastante significativo di hende. “Antes tabata conoci cu ta dificil yena vacatura cu ta exigi un nivel di educacion halto, manera Accounting, cu keto bay ta un problema pero awor e no ta solamente hende cu tin Bachelors of Masters. E ta hopi varia,” segun Balkestein.
Tin escasez na hardineronan, dish-washers, cleaners, y no solamente relata na sector hotelero pero tambe na sector Wholesale. Akinan un otro problema ta manifesta su mes cual ta embehecemento. Hopi hende ta baha cu pension y KvK a calcula cu den mas o menos cinco aña lo tin 6,600 hende cu ta sali for di mercado. “Bo por cuestiona pa kico esaki a start, tanto permiso cu a keda duna basta aña pasa caba, durante Covid esaki a para. Awor tur ta culmina na mesun momento.”
Pa mas lesa TREMPAN.COM.
