E cifranan ricibi for di Departamento di Salud Publico (DVG pa su abreviacion di e nomber na Hulandes) ta mustra cu masha poco cambio tin den e diferente cifranan cu ta mantene di Covid-19.
Un total di 2070 test haci den dos luna y mey, cu ta shete mas cu e datonan ricibi diasabra ultimo. E cantidad di personanan den cuarentena a baha di 35 pa 32 (pero aki bou ta splica di con e cifra aki no ta cuadra). Te ainda tin 3 persona cu ta positivo y segun por a compronde cu dialuna y diamars dos di nan lo test di nobo, ya cu den testnan haci anteriormente nan tabata inconclusivo.
E cifra di e personanan cu ta den cuarentena no ta cuadra, pasobra manera tur hende sa, diasabra ultimo tabatin un avion a yega for di Colombia cu Arubianonan cu a keda pega aya y pashentnan y nan acompañante cu mester bolbe Aruba.
Riba esaki DVG a bisa cu e orden di cuarentena ta sigui na vigor. Ta duna e ordo akin a aeropuerto y tur residente cu yega mester firma esaki.
Despues e formularionan ta wordo transporta pa DVG pa wordo procesa. Pa motibonan administrativo e cifranan di cuarentena no a wordo procesa ainda. Pero lo wordo procesa manera cu DVG ricibi esakinan.
