Dentro di menos cu dos siman ariba diasabra dia 9 di Juni 2018 lo tuma lugar e di tres E-Aruba Business Seminar. Un di e oradornan cu mas ta halando atencion Miri Rodriguez di e compania Microsoft.
Rodriguez ta encarga cu e parti di social media y tambe ta e asina jama naradora di storia (Storyteller) di e compania. E lo ta bishitando Aruba for di Estados Unidos y lo elabora riba diferente faceta importante ora di mercadea un compania of cualkier organisacion riba internet. E titulo di su presentacion ta : “The good, the bad and the ugly: Dos and Don’ts on digital Marketing”. Ademas di Miri lo tin presente for di Merca Sr. Mario Vinasco, Marketing Manager Data Analytics di e compania UBER tambe lo comparti e ultimo desaroyonan den e mundo di mercadeo i cu enfasis riba AI (Artificial Intelligence). Pa completa e lista di oradornan internacional Andrea Vahl tambe lo ta presente. Andrea ta un autor famoso di e buki Facebook for Dummies y a wordo nombra den e lista di e damanan mas importante den ‘social media’. Lo tin tambe oradornan y panelistanan regional cu lo trese e parti local riba e desaroyo actual di Social Media na Aruba, Bitcoin 101 y Internet of things.
E evento lo tuma lugar for di 8 or di mainta ora portanan di Renaissance Convention Center habri y pa 9 or e promer presentacion lo cuminsa. E lo sigi te cu 2 or di merdia. Carchinan ta obtenibel na Superfood, Office Systems y online via www.e-aruba.com.
Sigiendo riba un di e oradornan principal Miri Rodirguez por comparti cu e ta un periodista creativo y defensora di contenido cu ta desaroya stora riba tendencianan tecnologico clave, e ta evangelisa ‘brand narrative’ y ta mustra con Microsoft ta haci su propio tecnologia. Prome cu esaki, Miri a lidera tres ekipo di atencion social na CSS, respondiendo na miles di consulta di cliente atrabes di canalnan social riba un Ingles, Spaño y Portugues Global. A reconoce su trabao como e Miho practica den e cumbre anual di Microsoft ; Think Tank Summit’ y el a gana un premio di mercadeo pa participa activamente den asociacion cu ekiponan interno pa impulsa un voz social unifica y experiencia di ciente. A selecione dos biaha pa particpa den e prestigioso programa #MySkills4Africa di Microsoft, unda el a ofrece su experiencia social pa capacita y entrena lider di empresanan social na Swaziland y Morroco pa lansa di e manera efectivo su programanan social. Su carera galardona ta incui mas di 15 aña den Marketing, Operations y Customer Experience. E ta mama di 2 mucha homber y un American Buldog. Su trabao filantropico ta inclui ta boluntario como consultora di negoshi y entrenadora di studiantenan den Network for Teaching Entrepeneurship, miembro di e hunta directiva na e organisacion empresarial social Trade+Impact y personal brand coaching pa profesionalnan di tur edad y origen.
E-Aruba ta wordo presenta pa Digicel, VCC International cu Payroll Pro, Aruba Airport Authority, Kooyman BV, Aruba Renaissance Resort, CATC, Bold Bizz, Coldwell Banker, Hertz Lease, Click Print y Elite Productions.
