SMAC tabata trahando riba un marathon pa loke ta apertura di e temporada di Carnaval riba dialuna 11-11.
Zuleika Wever di SMAC, a comenta cu despues di a lansa e jingle na RBC Sasaki, a keda riba pia, moviendo pa parti anochi tin pa un Aruba Carnival Entertainment Village, completamente yen. SMAC ta gradici pueblo en general di nan presencia dialuna anochi, como tambe e sponsornan cu a haci e evento posibel.
Tabata tin diferente presidente presente entre otro di Stichting Musica, Grupo Uni y tambe e banda y Brassbandnan cu a sa di trece ambiente grandi.
Tur hende a keda riba pia. Cushina y bar tabata druk y a logra pa honra nan legendarionan di anochi. Festival 11-11 ta dedica na Mickey Gravenhorst, un persona cu incansablemente na edad cu e tin, a dedica su bida na tur evento, na tur actividad di reina, prins y pancho, tumberito y asina por keda menciona, tur cos cu tin di haber cu Carnaval. E board a dicidi pa e motibo aki mes pa dedica e festival na.
E legendarionan cu a honra tabata grupo OPC, di tumba Papito Rafael, di Roadmarch Mighty Reds. Pa loke ta trata promotor, tabata tin Elsa Krozendijk. Pa coordinador di KPA tabata tin Irma Gordon. Pa loke ta carnavalista ta Errol Brown y Renny Lacle.
Tabata tin legendarionan dialuna anochi den e Legends Festival. Tambe a reconoce e board bieu y a reconoce nan dedicacion cu a dedica cinco aña sigui. Na e comision di SMAC cu a keda riba pia, gradiciendo pa nan trabao cu nan a haci den e ultimo cinco añanan. Y awo a toca e board nobo pa dirigi e proximo carnaval di Aruba.
Despues di 11-11 ta bolbe sigui sinta cu tur stakeholder y sponsornan. Tin internamente basta punto di agenda pa atende pa loke ta trata e parti di board mes. Despues cu caba cu esaki, por bisa practicamente ta cla pa sali den publicidad y prepara pa loke ta trata dia 4 di januari, unda cu nan lo ranca sali cu e Parada di Flambeu.
