E reto cu tin no ta solamente pa Stichting Katholiek Onderwijs Aruba (SKOA), pero pa tur hende. Ta purba baha e curva di COVID. E reto ta grandi, pasobra pa mantene na e reglanan y e protocol di DVG, pero esunnan cu SKOA y scolnan tambe a traha. Tur scol a haya e protocol for di DVG. Anuesca Baly, director di SKOA, a bisa cu a base di e protocol di DVG, nan a laga cada scol traha e protocol cu ta fit nan.
Esaki ta pasobra no tur scol ta mescos, door cu un ta mas chikito cu e otro. Tin scol cu a habri 100% pero tin scol a habri 50%. Si tin klas cu tin 50 muchanan, ta dificil pa habri 100% pasobra ta duna nan e oportunidad pa pasa door di e reglanan.
Scolnan a traha protocol hunto cu SKOA, di cual e stichting a mira esakinan y aproba. A haci palabracion cu DVG, Taskforce, pa pasa tur scol y mira si e protocolnan ta funciona. Si esaki no ta funciona, pa duna tips y mehora e protocol. Pa SKOA ta importante pa kita miedo di mayornan cu lo kier manda nan yiunan scol.
“E ta normal y mi ta compronde esey,” el a bisa. Asina aki por bay den e normal nobo cu e reglanan y por combati e virus, no solamente p’e muchanan pero Aruba henter.
