Prome cu scol cuminsa, naturalmente maestronan mester ta bon prepara. Prepara den e sentido di ta al dia pa asina duna e hobennan les, segun cu desaroyo ta andando.
Josette Daal, directora di SKOA, a splica cu na September nan ta preparando pa un Onderwijsdag. E Onderwijsdag ey ta pa duna e maestronan un adelanto riba loke tin riba tereno di enseñsa, por medio di diferente tipo di tayer. Ta na e maestro pa scoge cua tipo di tayer e ta interesa aden.
Esey ta pensamento di SKOA cu e kier bay den e direccion ey, unda cu ta ofrece e maestro di scol tiponan di tayer cu ta yud’e pa e por funciona mas miho den su trabao di tur dia.
Feedback
Daal a sigui comenta cu SKOA ta ansioso pa wak e resultado y evalua. Ta pensa cu e lo ta un exito y cu maestronan di scol lo experencia tambe esaki como un aporte den nan trabao di tur dia, den nan profesion.
IPA
Manera cu ta conoci caba, tin un demanda pa maestro. SKOA tin contacto regularmente cu IPA, unda cu ta señala e escases di maestro.
Pa loke ta e docentenan di Hulanda, nan ta manda un solicitud. SKOA ta conoci na Hulanda caba. SKOA ta coopera tambe cu studiantenan di Hulanda cu kier bin core stage. Tambe nan ta coopera pa nan conoce scolnan Arubiano, conoce e isla un tiki y hopi di nan, ora cu nan slaag, nan kier bin traha un aña y aporta na e enseñansa na Aruba.
Josette Daal cu pensioen
Josette Daal a fungi hopi aña como directora di SKOA. Pero prome cu esey, e tabata un educador. El a cuminsa su carera na edad di 20 aña. El a para den tur klas di basisschool. El a para te hasta un rato den kleuterschool. El a para 17 aña dilanti klas. El a bira staffuncionaris despues y despues, desde 2009, e ta directora di SKOA.
Cu a logra hopi pa enseñansa Catolico, si. Pasobra SKOA tin un vision. Awor aki cu Daal a cumpli cu su pais y e mester bay cu pensioen, bo ta bay wak bek bo trayectoria den enseñansa y ta bay evalua e enseñansa di e pais.
Su pregunta ta keda e ora ey, kico pais Aruba kier cu enseñansa. Tin dos cos. Bo kier brinda un enseñansa di calidad y e ora ey mester bay wak con e scolnan ta ekipa, of bo ta bisa cu mucha tin derecho tin derecho di enseñsa y tur mucha mester ta den scol. Esey ta algo diferente cu un mucha mester bay scol, pero kico e klas, cu tin 30 mucha aden, kico e mester haci cu e muchanan aki. Ta dos diferente cos cu Daal no a mira te ainda. E tin e bon boluntad si, pero no a yega aynan ainda. Kico e ta? Bon enseñansa? E ora nos mester sa ki caminda nos tin cu cana
