Sindicato SINBA di Brandweer a reuni cu su miembronan awemainta pa papia riba diferente punto cu nan no ta contento cu nan. Depues di e reunion SINBA a expresa e malcontento di e bomberonan, no solamente pa loke ta promocionnan pega desde 2014, pero tambe nan ta disgusta cu e mal estado di nan ekiponan.
Na mesun momento nan ta mira cu otro departamentonan ta avansa. Miembronan di SINBA ta cansa di traha den e ambiente aki, unda ta pone nan mesun bida na peligro. Brandweer a bira pio despues di un promesa di Minister Andin Bikker di lo trece cambio. Den e crisis di coronavirus Brandweer ta esun mas afecta, asina presidente idi SINBA, David Roza, a expresa. Ehempel cu nan a duna ta cu e hand sanitizer cu nan mester a uza tabata clorox y awa.
Banda di esaki a trece un cambio bruha y ad hoc na aeropuerto cu a trece mas caos. Mas di trinta a bira malo cu COVID-19 y e luna aki tur cos a normalisa, pero e bezetting a keda mescos y miembronan no ta tuma esaki. P’esey despues di awe accion ta bay escala. E sindicato ta manda un carta pa Gobierno pidiendo solucion den 2 bes 24 ora y si e no duna resultado, accion ta cuminsa. Si mester, lo haci uzo di e trucknan tambe. E dictadura cu tin aki tambe ta caba awe, e presidente di SINBA a expresa prome cu nan a dicidi di yega sede di Gobierno pa mustra nan malcontento.
