Un grupo di polis di San Nicolas, bou guia di comisario Trudy Hassell a tene un control riguroso den trafico na altura di La Granja Restaurant situa na Savaneta.
Polisnan a staciona strategicamente pa por a controla tur auto, na ambos band’i caminda.
A nota cu durante e control aki a kita varios auto for di chauffeurnan cu no por a demostra nan papelnan di tur dia, manera ta un rijbewijs valido, keuringskaart valido y un seguro vigente. Tambe a detene algun chauffeur probablemente sin rijbewijs, burachi of den posecion di droga.
E control a start for di 8:00 pm caba y a anuncia di lo sigui te den oranan di marduga. Mando Policial a sigura cu e tipo di controlnan asina lo sigui den e simannan cu ta bin, te ora polis logra domina e ola di criminalidad riba nos isla.