Dia 12 di september 2018 SIMAR a tene continuacion di Reunion General Anual di miembronan cu meta pa yega na un directiva nobo pa e temporada 2018-2020. Solamente 3 persona a pone nan mes disponibel, pues e anochi aki no a yega na un directiva nobo.
Durante dicho reunion miembronan a sostene un mocion pa forma un comision di maneho, un asina yama triunvirato, pa percura pa yega na cantidato y pa organisa eleccion di un directiva nobo.
E comision forma pa 3 miembro recientemente a perde su derecho di existencia pa motibo cu un di e miembronan a entrega su retiro. Pa e motibo aki e directiva ta asumi su responsabilidad di tuma e liderasgo di SIMAR completo te cu traspaso na e directiva nobo.
SIMAR ta invita su miembronan pa un reunion di caracter URGENTE pa duna informacion di e ultimo desaroyonan pa cu esaki. E reunion lo tuma lugar DIAHUEBS 15 DI NOVEMBER pa 7’or di anochi na cede di SIMAR.
Actualmente tin 6 cantidato cu a pone nan mes disponibel pa eleccion di e directiva nobo, kendenan lo presenta nan mes e anochi aki. Directiva ta haci un yamada na su miembronan pa pone nan mes disponibel pa e eleccion. Pa mas informacion por tuma contacto cu oficina na 5824219 of via e-mail [email protected].
