Oportunidad unico pa mira e Pink Moon for di top di California Lighthouse

Diahuebs 18, diabierna 19, diasabra 20 y diadomingo 21, pa anochi for di 7’or pa 10’or, California Lighthouse lo ta habri debi cu tin luna yen. E luna aki di April ta bay ta un “Pink Moon”.

California Lighthouse ta bay habri pa por subi te na e top pa por disfruta e bista unico di Aruba “by night”, debi na e Pink Moon, tin un bista hopi bunita di iluminacion riba lama, pero tambe riba tera. Entrada lo ta solamente 10 florin. Sigur esaki ta un bista sumamente romantico, mustrando su splendor riba nos isla. No perde e oportunidad aki.