E caso di pashent malo riba barco di container a pone tur hende move. Experiencia di pasado a hunga un rol mesora. Varios aña atras, tabata tin e caso riba Ocean Deam, cu tambe a pone un team medico abordo pa wak kico e situacion tabata. Basicamente esey ta e idea den e situacionnan aki. Ta bay wak kico e situacion ta, y si ta algo cu por deal cun’e, ta bin cu e pashentnan tera. Si ta algo mas complica, e ora tin cu prepara e ora ey pa tuma e hendenan.
Esey tabata full locual a pasa diahuebs.
Situacion di salud
Sharin Koolman a splica cu si el a keda riba e barco cu e cuido tabata haya, probablemente lo tabata tin chens cu e lo a fayece. E tabata tin mester di asistencia medico avansa. E persona ta interna y e no por a keda riba e barco.
Si el a baha na Aruba of un otro pais cu por a tum’e, lo e mester a baha. E tabata stabil pasobra na momento cu el a baha e no tabata pa muri. Si el a keda eyriba, si e lo tabata riesgo pa e persona, ta algo cu como pais tambe bo mester tene cuenta. Bo no por laga un hende riba un barco, cu e chens cu e ta fayece. Esey no por, segun Koolman. E ta bay contra reglanan internacional cu Aruba tambe ta forma pati di dje. Bo mester duna e asistencia dado momento, pero bo mester ta prepara p’e y tambe bo mester tin e sistema, esta hospital, tur hende prepara pa deal cu e problema tambe.
Secreto Medico
Como Salubridad Publico, ta masha cuidadoso cu cierto informacionnan. E ta keda secreto medico. Ta e persona su derecho pa tin su secreto medico. Pa e motibo ey no por divulga kico precies e tabata tin. Cu si e ta Filipino abordo di un barco di carga cu lo a bishita cinco puerto na Africa, cual e ultimo na Camerun. Y mirando e situacion cu tin di Ebola, y otro malesanan cu tin, ta cosnan cu bo tin cu evita.
Bo no kier importa nada asina ey pa Aruba. Esey si ta algo cu nos no por deal cun’e, segun Koolman. Door cu tabata un vector borne desease, ta algo cu tin aki caba. E internista a indica cu ta algo cu por deal cun’e. No ta problema, el a splica.
E testnan a wordo confirma pa 3’or y mey di marduga, mirando cu abordo nan no tin nada cu nan por a haci. Manera cu e persona a baha, pa e ora ya indica, e internista a informa DVG cu ta confirma y cu por trata e persona na Aruba. Ora cu e ta cla, e ora ey e ta subi un avion y ta bay topa e tripulacion. E persona ta recuperando.
Maduro & Son ta encarga cu tur cos. Nan di nan banda lo atende cu e barco.
Enfermeronan bon prepara
Verpleegkundigenan di DVG y e dokter a bay bon prepara cu tur loke tabata tin mester. Pero, ta ora cu nan a yega abordo cu nan ta wak e situacion, e ora ey nan ta dicidi si nan tin cu bisti, prepara, bisti pak, etc., pero esey no tabata necesario. Si ta sigur cu nan a bay prepara cu tur cos cu tabata tin mester.
Por lo general, no tabata tin mas hende malo riba barco. Kier a wak si tabata un of mas hende.
