Un señora a pasa den un susto hopi grandi. A yama Polis na grito pasobra tin hende desconoci cu menos bon intencion rancando na su porta di cas. Varios unidad di Polis a bay pura na e adres na Tanki Leendert. Ora cu nan a yega a topa cu e cas cera. E señora mes a bay sconde den baño y lock su curpa.
Polisnan a drenta cura pa busca drechi di esnan cu a drenta sin permiso. Polis no a topa cu ningun hende. Polisnan a grita y sona e sirene pa e señora sa cu nan tey.
Asina a logra via bentana yega den contacto cu e señora. El a conta kico el a sinti na porta di cas. Polisnan a cuminsa un buskeda mesora pa e hendenan cu a ranca na porta. No a topa cu nan.
