Dos detencion den Camaristraat despues di Hit and Run banda di Airport

Diamars anochi pasa di 8or e Polisnan a haci dos detencion den Camaristraat. Un chauffeur y su ruman a keda deteni dilanti nan cas. Ambos bou influencia di sea alcohol of algo otro.

Nan agresividad y grito cu ofensa no a spanta Polis tampoco. Tur cos a cuminsa ora cu e chauffeur cu e Subaro a baha caminda riba Green Corridor banda di Airport y ranca un tubo canto di caminda. Esaki a causa cu a crea un fontein cu e presion di awa. E chauffeur cu su auto kibra a sigui core.

A bay direccion Watty Vos Blvd pa purba yega su cas den Tabana. E agentenan a ser avisa cu riba e caminda candela ta spat pasobra e tire di e auto tambe a kibra.

Polis a sigui y gara homber cu a dal core bay cu auto

Polis a sigui y gara homber cu a dal core bay cu auto. Click e link pa mas https://24ora.news/2XhzAPv

Posted by 24ora on Tuesday, April 7, 2020

A logra yega den Camaristraat y topa cu e chauffeur. Polis a logra domina e chauffeur mesora. E tata a sali pa purba atende y calma su yiunan rebelde pero esaki no a yuda masha.

Tambe un hende na e cas a bira malo y mester a pidi ambulance pa bin na e cas. E auto Polis a confisca. E dos rumannan a bay den dogcatcher pa warda di Polis. Polis di trafico a bay banda di Airport riba e caminda grandi. A pidi pa personal di WEB pa stop e Fontein.  

Sitio unda auto a hit and run algun rato pasa

Sitio unda auto a hit and run algun rato pasa. Click e link pa mas https://24ora.news/2XhzAPv

Posted by 24ora on Tuesday, April 7, 2020