Diamars mainta, Secretario di estado pa husticia y siguridad, Eric van der Burg y Prome Minister Evelyn Wever-Croes a ofrece un conferencia di prensa caminda a amplia mas riba kico lo ta e siguiente paso tras e disculpa cu gobierno Hulandes a haci ayera pa nan pasado di sclavitud. Riba pregunta di periodista Sharina Henriquez si tin espacio pa ahusta loke a ofrece na Aruba pa reparacion, van der Burg a bisa cu e magnitud di sclavitud na Aruba no ta comparabel cu esun na, por ehempel, Corsou of Suriname. Asina mes, a indica cu aunke tin diferencia historico, pa Hulanda ta importante cu no tin diferencia di awo padilanti.
Den combersacionnan sostene recientemente, van den Burg a comenta cu “si bo tabata catibo, no ta importa pa bo si bo tabata un di 5 shen of un di 50 mil. Bo tabata un catibo. Pa Hulanda tabata importante pa nos bisa: Nos ta bay pa Surinam, Corsou y St. Maarten y e otronan por wak so. No. Pa nos tabata importante pa tur shete na mesun momento keda atendi pa hacie duidelijk cu aunke en berdad tabatin diferencia historico, pero no ta bay tin diferencia den futuro y cu pa e individuo tampoco lo haci diferencia.”
Pa e relato completo, lesa edicion di TREMPAN
