Scotland Yard tin un sospechoso nobo den e caso di e mucha muhe Madeleine McCann cu a disparce. Segun BBC News, ta trata di un detenido Aleman di 43 aña, kende durante e desaparicion na 2007 tabata core rond Portugal cu un camper.
Recherchenan ta bisa cu na mei 2007 e tabata den vecindario unda cu e mucha a perde. Aworaki nan ta buscando informacion di e homber, su bus y su Jaguar. E sospechoso a pone e Jaguar riba otro hende su nomber e dia desde di desaparicion di Maddy.
E mucha muhe Britanico Maddie McCann tabata kedando cu su mayornan den un resort den Praia da Luz di Portugal y a disparce dia 3 mei 2007. Su mayornan, kendenan tabata sospechoso e tempo ey, a bisa di tin speransa cu nan yiu ta na bida ainda. Scotland Yard ta tratando e caso ainda manera desaparecion.
Pero polis federal di Alemania cu ta trahando tambe den e investigacion, tin un dossier cualifica como un investigacion di asesinato. E hues Aleman a bin acerca, pasobra na e momentonan aki e sospechoso ta sinta den prison Aleman. No ta conoci pakico e Aleman di 43 aña ta cera. Den e periodo di e desaparicion di Maddie, hopi biaha e tabata na Algarve.
