Scol Soeur Juliette y Paso Pa Futuro cu ta di e estudio special a forma parti di e reunion cu formado di gobierno. Aki nan a trece dilanti nan puntonan di preocupacion y mehoracion. Scol Soeur Juliette ta haya e reunion cu tur stakeholder y formado di gobierno tabata fructifero.
Joselyne Oduber-Jacobs, director di Scol Soeur Juliette, a splica cu nan a haya oportunidad di trece dilanti tur punto importante riba desaroyo di scol. Tambe a papia riba e areanan logistico, area personal di alumno y pedagogico di scol. E interes tabata grandi, e preguntanan tabata al caso. E contenido cu ambos scol a trece dilanti ta na bienestar general di enseñansa special MOK y di e muchanan den nan totalidad pa loke ta nan proceso di desaroyo.
E punto mas importante presenta na formado tabata e identidad di e scolnan MOK den e sistema actual na Aruba. Nan ta tene cuenta riba tur innovacion cu kier eherce den enseñansa basico special y den ki forma ta recomendabel pa haci esey. Segun Oduber-Jacobs, ta tene na cuenta cu e innovacionnan manera enseñansa inclusivo. Tambe ta tene cuenta cu e facilidadnan cu Aruba ta ofrece actualmente p’esaki por tuma luga.
Pa cobertura mas amplio, lesa e edicion di TREMPAN mañan.
