P’e temporada aki di Carnaval, Stellaris Casino a lansa su campaña di Scan & Win. E campaña a start siman pasa den e Parada di Blaas na San Nicolaas.
Lo tin hopi premio y e premio mas grandi, ta un kavel. Pero diabierna un premio cu garantisa cu lo saca ta e kavel. E ganado mas seis persona mas lo por bay wak Parada di Mucha sin cu nan tin cu preocupa unda nan ta bay para. Mas importante ta, cu e famia cu gana e kavel lo haya un tratamento royal, manera rey cu reina. Bebida y cuminda ta inclui hunto cu e kavel. E campaña aki ta valido pa henter e temporada di Carnaval y e publico por scan e QRcode riba e trailer di ‘NFuzion.
Ofo Escudero, den representacion di Stellaris Casino a indica cu tur siman ta reset e premionan, dus ta bay tin hopi mas premio. Por un otro kavel pa seis hende, cuminda y bebida inclui. Otro premionan ta inclui 500 florin na premio, $200,- slotplay of $100,- slotplay, bingo gratis pa un luna largo, jug yena pa e temporada di Carnaval. Ta hopi facil pa un persona scan y gana. Mester reitera, cu tur telefon por scan un biaha so.
E campaña ta cuminsa bek diabierna anochi 7:00pm, durante e evento di Ban Bul’a Den Drive-Inn. E ta valido tur esten cu e evento ta den.
Despues di esaki, ta reset e campaña bek y e campaña ta cuminsa di nobo riba diadomingo, durante e Carnaval di Mucha na Oranjestad.
