Gran parti di e entradanan di Aruba Tourism Authority ta bay pa e mercadeo di Aruba. E mercadonan cu Aruba ta conta cu ne ta Merca, Latino America y Europa. P’e oficina di turismo, mercadeo ta sumamente importante mirando cu esaki lo transforma den bishita di turista na nos isla.
Sanju Luidens, C.M.O. di A.T.A, a splica cu un gran parti di nan esfuerso y inversion ta bay den mercadeo, esaki tin un costo relativamente amplio. Ademas di mercadeo, A.T.A, ta inverti tambe den relacion publico, influencer marketing, red social y den sales.
Por medio di sales ta yega na e agencianan di biahe p’asina nan tambe por bende e destinacion Aruba. Luidens a finalisa bisando cu esey ta algun di e metodonan cu e oficina di turismo tin desde Aruba.
