Sambil ta un luga hopi bon bishita. E ta un centro comercial y di entretenimento grandi. Luis Moreno ta gerente general di Sambil Corsou y ta felicita Aruba Airlines cu su yegada pa Corsou. Nan ta orguyoso cu Aruba Airlines ta un paso mas dilanti cu hopi sorpresa pa Sambil.

Importante ta cu nan ta ofrece e miho opcion di entretenimento, servicio y compras, den un solo luga. Mas di 90 local di entretenimento nan tin pa tur esnan cu ta bishita nan, no solamente for di Corsou, pero tambe di e paisnan bisiña.

 

Cuanto tempo

Sambil ta existiendo ya mas di 2 aña. Nan ta den un constante crecemento. Pa otro aña nan ta cumpliendo nan di 3 aña di operacion y nan ta hopi satisfecho y contento cu Corsou pa e recepcion, e receptividad. Cu e sosten tambe no solamente di Corsou, pero tambe di Aruba, Boneiro y tur e otro paisnan cu ta rondonanan. Asina nan ta sigui crece y aportando pa Corsou por sigui ta e lider den turismo, servicio, calidad y tur otro cos den Caribe.

 

Temporada special

Ya temporada di pasco ta drentando. Diahuebs awo nan lo bay cende e luznan di pasco. Tambe nan lo bay tin Sinterklaas diasabra. E siman despues nan lo tin black friday y nan ta conecta cu tur e actividadnan special cu ta sosode riba e isla, igualmente tambe den parti di Caribe.

 

Diferente

Sambil ta duna entretenimento y servicio den un solo luga. Nan ta busca di ta e opcion. Nan ta e opcion den cual por entretene den famia, cu ta importante. Bo por bin cu yiunan, e muchanan ta disfruta den cada un di e zonanan di entretenimento pa mucha. E adulto tambe tin opcion di servicio y entretenimento y e compras ta bin di mes. Sambil ta dedica pa ta un luga di entretenimento y di famia.

Comments

comments