Su slogan politico ta “Ami ta cu bo”. Minister di Labor, Integracion y Energia, esta Glenbert Croes, a anuncia riba 15 di december cu salario minimo ta aumenta pa aña 2024. Ta despues cu 24ora.com di un forma exclusivo a publica riba 11 di december cu e salario minimo lo conoce un aumento. Ta di dos aña sigui cu e mandatario ta subi salarionan riba nos isla, pero e biaha aki cu un porcentahe halto. E salario ta aumenta di Afl. 1893,41 pa luna y ta bira Afl. 1986,-.
Pa e ley aki drenta na vigor, e minister lo mester firma un decreto, locual a sosode tambe. Minister di Labor tin e autoridad pa stipula e salario minimo di nos pais, basa riba conseho di Sociaal Economische Raad (SER). Ta tene cuenta cu varios factor indicativo, prome cu conseha gobierno pa adapta salario minimo na Aruba.
https://www.facebook.com/share/v/J4pphW29xXJBudY3/?mibextid=KsPBc6
Entrante dia 1 di januari 2023, Minister di Labor Energia y Integracion a aumenta salario minimo. E tempo ey a menciona cu Gobierno di MEP, entre aña 2001 pa 2009 a aumenta salario minimo cu 431 florin. Gobierno di AVP entre aña 2009 pa 2017 a aument’e cu 134 florin. Den cinco aña Gabinete Wever Croes 1 y 2 a aumenta salario minimo caba cu 216.06 florin, asina e mandatario a indica na fin di aña pasa. Desde 1 di januari 2023 e salario minimo a subi cu Afl. 78,06 y a bira Afl. 1893,41 pa luna.
E conseho cu Minister Glenbert Croes a ricibi ta cu por aument’e cu mas o menos 4,9%, cu ta traduci den Afl. 92.78 mas cu ta hiba e salario minimo na Afl. 1.986,19…cu ta mas cerca di dos mil florin pa luna.
