Minister di Turismo y Salud Publico Dangui Oduber ta anuncia cu pa e prestigioso “Huisartsenopleiding Aruba” acredita pa Amsterdam UMC lo ta buscando candidatonan entusiasma cu a completa nan estudio den region of na Hulanda, cu tin un titulo di “Master Degree” y cu ta cualifica pa tin un registracion di AruBIG.
E personanan aki lo tin e oportunidad aplica pa cuminsa e opleiding for di prome di augustus 2024 como AIOS (Arts in Opleiding tot Specialist) pa asina specialisa nan mes durante 3 aña pa bira dokter di cas aki na Aruba. E Huisartsenopleiding Aruba a cuminsa na 2009 cu e meta di reforsa e ‘eerstelijnszorg’ aki na Aruba.
E opleiding ta organisa pa Huisartsenopleiding Amsterdam UMC conhunto cu Departamento di Salubridad Publico di Aruba (DVG) y Huisartsen Vereniging Aruba (HAVA) y ta wordo acomoda na nos hospital “Instituto Medico San Nicolas” (ImSan). Pakico Huisartsenopleiding Aruba?Specialisacion completo na Aruba bou di supervision di Amsterdam UMC.
Un mix dinamico, unda ta haci 1 dia pa siman curso di teoria y 4 dia pa siman lo ta den practica pa medio di pasantia. Pasantia den huisartsenpraktijk den e prome y di tres aña.Diferente programa di pasantia durante e di dos aña di estudio, manera asistencia na “Eerste Hulp” na Horacio Oduber Hospital (HOH), un pasantia den cuido cronico (CZ) y tambe un pasantia den instituto di salud mental (Respaldo). Un opleiding full-time cu posibilidad di vrijstelling basa ariba estudio y experiencia anterior.
Acreditacion E opleiding y su terminonan final cumpli completamente cu e rekisitonan di e huisartsenopleiding di Hulanda. Na final cu termina e opleiding e dokter mester registra su mes den e registro di AruBIG.Pa e candidatonan cu a cuminsa cu e Nederlandse BIG registratie, e diploma tambe lo ta valido na Hulanda y ta hacie posibel pa registra den RGS-register. Ken ta cualifica?Dokternan cu registracion di AruBIG (aki ta inclui tur cu diploma acredita na universidadnan manera Colombia, Costa Rica, Hulanda, esunnan registra na Hulanda, y esunnan registra na Canada, y Merca).
E dokternan cu tin registracion di BIG. Criterio· Diploma reconoci como basisarts.· Un rijbewijs valido.· Registracion di AruBIG of registracion di BIG valido.· Experiencia clinico actual.· Dominio di e idioma di Hulandes den palabra y skirbi.· Bentaha: dominio di e idioma di Papiamento y Spaño.
Contracto Durante e opleiding lo haya un contracto di trabou na ImSam y lo tin derecho riba un salario. Considerando cu e estudio y salario aki ta financia, lo mester keda traha como dokter di cas na Aruba pa minimo cinco aña despues di termina e opleiding. Con pa solicitaManda bo:• Carta di motivacion.• CV (Curriculum Vitae).• Copia di diploma di BSc y MSc. • Registracion di AruBIG of registracion di BIG Hulandes.• Copia di un rijbewijs valido.• Referencianan cu muestra di experiencia clinico. Ultimo dia pa solicita ta 7 di januari 2024. Pa mas informacion por tuma contacto cu Huisartsenopleiding Aruba na atencion di Sr. Dr. J.R. Rajnherc na [email protected].
Tambe por haya mas informacion na e siguiente paginanan: https://www.huisartsopleiding.nl/opleidingsprogramma, https://www.havaruba.org/nl/huisartsenopleiding.
