E Departamento di Duana ta encarga pa controla e containernan na momento cu esakinan yega na e negoshinan o supermercadonan y e trahadonan mes tin cu uza nan auto personal pa yega. Na e momentonan aki e trahadonan no ta contento pa motibo cu nan no ta haya nan autovergoeding.
Sindicato di Duana Aruba (SADA) a reuni cu e director pa atende riba e asunto aki. E duaneronan tin 4 luna cu di no a ricibi nan auto vergoeding. Segun Edward Maduro, presidente di Sindicato SADA, e director a bisa nan cu Minsiter di Fiansa ta na altura di e situacion. Tambe e lo bolbe manda un carta riba e asunto aki.
Ta vergoed e ambtenaar ora e uza su auto pa Gobierno, pero depende con hopi nan ta uza esaki. E duaneronan ta uza tur dia nan auto, pero no ta haya bon di gasolin. Antes tabata haci esey door di duna e kilometervergoeding, pero pa motibo cu e ta hopi papeleo na 2017 a cambia esaki. P’e motibo di no a ricibi 4 luna di e vergoeding a sinta na mesa cu director, aunke cu nan a sigui haci nan trabou.
Nan a spera di por a haya un solucion permanente, pero esey no tabata e caso. For di e reunion mucho cos no a sali na cla. E sindicato a informa e coleganan riba esaki. Aworaki ta den un crisis, tin di nan cu tin famia a perde trabou, nan como ambtenaar tambe a bay atras den salario ora cu a corta den esaki. E duaneronan a cumpli, pero Gobierno no a cumpli cu nan y niun solucion a bin dilanti.
