Diaranson den oranan di mainta a saca un “Tropical Storm Watch” pa e islanan Dominicana, Grenada y su dependencianan, pero tambe pa Saba y St. Eustatius. Tur esaki relaciona cu e pasada di e tormenta tropical Dorian cu mientrastanto e bira horcan.
Pero den su pasada mes el a laga yobidanan fuerte na e islanan ariba y por a mira grabacionnan con e yobida ta baha for di ceronan bini abou, lastrando un cantidad di lodo cun’e.
Debi cu e barionan na Saba ta keda na e parti abou di e ceronan, e ta haci e situacion hopi mas dificil y peligroso pa e habitantenan, apesar cu aki ta trata di e rabo di Dorian.
Saba ta un di e islanan Hulandes den Caribe, esun di mas chikito. E ta consisti pa gran parti door di di e volcan Mount Scenery, cu su altura di 887 meter, ta esun mas halto den henter Reino Hulandes. Saba ta 13 km2 y e ultimo censo (2017) a indica cu e tabatin 2010 habitante. E ta asina e teritorio di mas chikito den area di continente Americano.