Diamars mainta parlamentario pa Partido di Pueblo Arubano (AVP), drs. Ryçond Santos Do Nascimento a duna un declaracion den cual e ta scual Gabinete Wever-Croes II su maneho cu ta promove corupcion den aparato gubernamental y ta demotiva e empleado publico. Consecuencia di esey ta cu conclusionnan cu entidadnan manera Raad van Advies y CFT a trece dilanti recientemente y ta sostene e argumento di Hulanda cu Aruba tin mester di un reforma.
“Raad van Advies mes ta bisa cu e ta preocupa cu tanto departamento nobo cu ta lanta. Bo ta wak cu un CFT cu ta bisa gobierno cu su goederen en diensten ta for di control; excesivo. Santos Do Nascimento ta relato cu ora bo ta puntra un ciudadano, e ta bisa bo: ‘wak por ehempel den caya grandi asina un edificio cu ta gehuurd, pero tur ora e ta cera’. Di baina bo ta wak cu ta un departamento di gobierno tin eyden. Bo bati na e porta, e porta ta na lock.”
Segun e parlamentario di oposicion esaki ta realidad di cosnan cu ta pasa na e pais aki. En bes cu bo tin un maneho profesional di bo recursonan humano, loke bo tin ta un enfoke total riba friends & family cu consecuencia pa cu e calidad di e servicio cu e aparato aki por brinda na e comunidad. Anto naturalmente ciudadano ta bay ta malcontento cu servicio di gobierno, naturalmente e comerciante ta bay ta mal contento cu e servicio di gobierno, pero ta Hulanda mes ta malcontento cu e servicio y capacidad cu e gobierno aki por brinda y bo ta lesa esey tambe den e ultimo uitvoeringsrapportage pa acu e landspakket.
Pa e relato completo, lesa TREMPAN
