Instituto Coreccional Aruba (KIA) ta pasando den momentonan hopi dificil. Despues cu Rocco Tjon a bandona KIA pa drenta politica, e situacion a empeora. Net KIA tabata bayendo den bon direccion pero awor atrobe e ta manera un barco sin capitan y sin rumbo! Informacion cu ta circula den KIA ta indica cu lo ta considerando pa trece ex director Emi “Kadhafi” Geerman bek. Den pasado el a confronta hopi reto pa por a traha cu e personal y atende cu presonan.
Mientrastanto ta conoci cu KIA no ta un lugar facil pa traha aden. Dianan di fiesta ultimo a demostra e falta di lealtad y disciplina unda mita di un ploeg ta keda sin presenta pa subi warda, lagando e prizon cu minimo personal pa cuida presonan. Bisando esaki ta obvio cu hopi asunto ta bruha awor aki den KIA pa falta di liderazgo of un directiva stabiel.
Emiliano “Emi” Geerman mes tin basta aña na cas, sin traha. Kizas pa ora e bin bek e forma cu e tabata maneha e tempo aya no ta fit mas den e tempo di awendia. Ta factornan cu awo mester evalua. Aunke mester bisa cu tin trahado cu tog ta pro pa e bin y atende e situacion pasobra awor aki e problema den prizin ta hopi serio. Nan ta bisa cu pio di loke e ta awo e lo no por bira toch!
Cuidadonan di Preso na KIA a indica cu den pasado pa kico cu ta nan sindicato tabata cla pa protesta. Sinembargo, awor nan ta keto pasobra nan ta hopi liga na e gobierno actual y como tal kier evita di trece Gobierno den luz negativo.
