Relaciona cu e sentencia di corte den caso di ex- Minister Plenipotenciario na Hulanda, Guilfred Besaril, partido RED Democratico a elabora rib’e tema aki.
Dr. Rudy Lampe, miembro di RED Democratico a señala cu e denunciantenan di Arubahuis a informa di loke tabata pasando eynan na Prome Minister, mr. Evelyn Wever-Croes. Sinembargo, ora cu a ripara cu nada a wordo haci cu e denuncia, nan a acerca mr. Ricardo Croes, cu ta esun cu a trece e noticia aki den publicidad di e fechorianan cu tabata tuma luga na Arubahuis, cu placa di pueblo.
Pero asina mes cu a trece nan dilanti den prensa, un biaha mas ta nombra Guilfred Besaril como Minister Plenipotenciario na Hulanda door di e Gobierno di RAIZ-MEP. Despues cu e presion a bira mas hopi, a pidie pa e tuma su retiro, pa e gosa di su ‘overbruggingstoelage’.
Un situacion unda cu ta cuestiona e credibilidad di minister president, ya cu ta e minister president ta esun cu ta carga e responsabilidad ministerial pa Besaril, cu ta un apoderado di e minister president. A keda comproba den corte, loke a pasa cu placa di pueblo y asina mes por bisa cu Besaril a haya un ‘tik op de vingers’, sin un berdadero castigo pa malversacion.
Pa mas lesa TREMPAN.
