Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito. Den categoria AA e equipo di Royal Power maneha pa Richard “Nunn” Flanegin y Edward “Gordo” Cannister ta logra un otro victoria na un manera convenciente riba Macuarima Spark Elektra.
Den bom di promer inning Macuarima ta pika ariba 1-0 cu careda anota pa Darl Quandus cual porcierto ta resulta e unico careda di Macuarima momento Jair Thompson ta preta braza bahando hopi duro pa home y ta silencia e batenan di Macuarima na un “two hitter”. 
Royal Power den cabez di 5 ta rally pa 5 careda pa bolter e score 5-1 y ta amplia cu 6 careda den cabez di 4 inning pa knock out Macuarima 11-1. Boxscore final Royal Power Tat Fat Home Depot 11 careda, 11 hit, 0 error y ta laga 6 coredor na base. Macuarima Spark Elektra 1 careda, 2 hit, 3 error y ta laga 4 coredor den circulacion. Mihor bateadornan pa Royal Power ta Edmar “Macho” Tromp 4-2, Jomar Flanegin y Aigil Brete di 2-1, Kenny Hart di 3-1 cual bataso tabata un doblete, Giandrick Lacle di 2-2 cu 2 careda anota mas 2 careda impuha incuyendo un doblete, Jair Thompson aportando na su propio causa di 2-1 cu dos vcareda anota y 1 impuha, Jeandrick Croes di 2-1 cu 2 careda anota y 1 rbi, Guyon “Toy” Cannister di 3-2 incluyendo un doblete y 1 rbi. 
Pa Macuarima Spark Elektra a destaca na plato Darl Quandus di 2-1 y Juan Carlos Moncion di 2-1 cu e unico careda impuha. Juan Chirino a propina 4 pocnhe entreotro Gregory Krosendijk, Kenny Hart cu 2 y Jeandrick Croes. Jair Thompson a huma un total di 7 bateador di Macuarima, Darl Quandus, Aaron Dominguez, Juan Carlos Moncion, Randolph Pinedo, Sherwin Loopstok y Jorrick Briesen kende a haña 2. Asina por a mira pitchernan cu bastante stof y velocidad. Jair Thompson ta resulta pitcher ganador enfrentando 17 bateador den 4 inning lansando 41 bola, 42 strike pa un total di 83 pitch permitiendo 1 careda tras di 2 hit, 7 ponche y ta regala 4 base por bola. Juan Chirino ta bay cas cu e derota enfrentando 29 bateador tirando 87 lansamento permitiendo 11 careda di cual 7 ta limpi tras di 11 hit propinando 4 ponche y ta regala 5 base por bola.
Diabierna anochi na Pos Chiquito pa 715pm Blackhawks lo midi forsa contra Black Joker mientras pa 9pm Royal Power lo topa Spuiters MIPA. Diabierna tambe pa 8pm na Dragon Hitters cu su pastechinan masha dushi y un bar bon prepara Piratas lo topa The Prodigies. Pues diabierna tin diferente wega pa waak. Fanaticada waak pa Bo tey!
