For di trempan varios unidad di Polis a reuni pa prepara pa un accion grandi na Olde Molen Nightclub. Pa mas o menos 6:00pm a drenta cu Team di Aresto den e club, cu den e oranan ey lo ta cera. A tuma nota cu a yega cu zaag di hero pa corta porta y drenta den e edificio. Nos ekipo di reporteronan ta na e sitio.
Polis un rato pasa a confirma cu tin un investigacion andando di e departamento di droga di Polis y cu den e cuadro aki a tene un accion den e club nocturno. Varios departamento di Polis, manera Arrestatie Team, Mobiele Eenheid, K9 unit y Helicopter tabata presente na e entrada hudicial aki.
Manera semper, a nota presencia di Hues Comisario, Fiscal y hasta Altocomisario Andrew Hoo tabata na e sitio pa supervisa e accion tumando luga. Keda pendiente pa mas informacion dentro di poco.