Copa Noord 2018 a termina den gran forma. Por mira atras riba un bunita Torneo organisa pa Tanki Leendert Giants.
Equipo di Royal Power sinembargo e aña aki a bin cu un equipo hopi rehubeneci y a manda hasi un jamada riba nan Manager di antes pa sake for di retiro. Manera conosi Endy Croes pa hopi aña a maneha Royal Power cu exito y despues cu el a bira Presidente di ASB el a retira como Manager como cu esaki ta conficto di interes.
Tin torneonan cu NO ta cay bou ASB y e momento ey Croes por diverti su mes cu parti di su pasion esta competi y dirigi riba nivel pa ta victorioso. Den 2018 Endy Croes a regresa despues cu e equipo a hasi un apelacion y un jamada riba su persona unda hunto cu su Staff a percura pa rehobense e equipo cu un set di hungadornan joung como starters y pues e base di e equipo Royal Power pa Copa Noord.
Hungadornan hoben manera Guyon Cannister 17 aña, Pierre Jr Richardson di 19 aña, Edmar “Macho” Tromp di 20 aña, Dijendrick Croes di 21 aña, Jomark Flanegin di 22 aña, Franco Wouters di 24 aña pa nombra algun den combinacion cu algun hobennan cu mas experencia manera Kelvin Silvania, Giandrick Lacle, Kenny Hart, Juni Faro, Nehomar Rasmijn pa nombra algun pero tambe cu un mix di soldatnan veterano manera Pilin Krosendijk y Alvaro Barrios, Jimmy Tromp y Charro Loopstok, Nunn Flanegin y Edward Cannister.
Desde inicio a hasi un compromiso y trese bek e famoso “key” di Royal Power esta e 4D pues Desire, Discipline, Dedecation y Determination como base. Royal Power a hunga ful campeonato hopi uni usando nan forsa di bateo pa por sobresali riba tur contricante. No obstante como Team Royal Power a titula campeon Copa Noord 2018 pero individual Royal Power a bay cu “TUR” premionan individual. El “cabayo de hierro” Alvaro Barrios a reclama e titulo di Champion Pitcher cu 5 victoria y 0 derota den e promer ronda y Alvaro ta gana 2 wega mas den Playoff pa termina cu 7 victoria y 0 derota. Dijendrick Croes kende su bate tabata super hot henter campeonato a conquista e titulo di Champion Batter 2018 batiando 18 – 14 pa un averahe di 778. Dijendrick adicional a bay di 8-7 den e ultimo dos weganan esta semi final y final y pues pa un total di henter e torneo di 26-21 pa un averahe di 807.
Esaki segun nos calculacion ta set un record den historia di Copa Noord. Jomark Flanegin a conquista e premio di Champion Homerun y pues e Homerun King di Copa Noord 2018 cu un total di 5 cuadrangular tur rond di e parke, Left, Center y Right Jomark a sa di deposita e bala pafor di cura. Remarkabel ta cu na 4 ocasion Jomark tabata tin e señal di “hit and run” ON y na tur cuater ocasion e coredor a sali di hit and run y Jomark a deposita e bala pafor di cura. Jomark a sali tambe e di dos mihor batiador di e torneo cu 24-17 pa un averahe di 708. Finalmente for di e wega final Edmar “Macho” Tromp kende a luci cu su defensa a conquista e premio di MVP di e torneo. Pues pabien na Alvaro Barrios, Dijendrick Croes, Jomark Flanegin y Edmar Tromp kendenan a conquista TUR premio den Copa Noord 2018 y sigur Pabien na Royal Power kende a agrega un titulo extra di Copa Noord riba su record, Mas cu klaro pabien tambe na Sub Campeon Kudawecha Indians kendenan a bataya te final y alaves pabien na organisadornan Tanki Leendert Giants .
