Diaranson algo prome cu 1:30 di marduga a sosode accidente cu desenlance fatal riba E.J. Watty Vos Boulevard. Chauffeur di Toyota Vitz (A-57912) lo a dal tras un pickup Toyota Hilux (A-2462) color cora.
E impacto tabata fuerte a pone e chauffeur di e pickup perde control y cay cu su vehiculo den rooi. E accidente a sosode entre rotonde di Cumana cu Sero Patrishi na altura unda tin vangrail banda di caminda. Segun testigo e chauffeur di e Vitz lo a bandona sitio. Un rato despues a señala un homber den area pero no tabata cuadra cu descripcion. E chauffeur mes cu a dal tras di e pickup ta busca pa husticia.
Bombero y ambulance a presenta cu urgencia. Hopi nan no por a haci pa e chaffeur di e Hilux cora, a enfoca e rescate den e ocupante cu ta casa di e victima fatal. Pa 2:20 di marduga Dr. Texier a constata morto di e chauffeur Robert A. Calmes naci na Aruba dia 16 september 1964, e tabatin 57 aña di edad. Polis a cera caminda completo pa investigacion.
Di parti Headlines Group, cas editorial di 24ora.com y matutino TREMPAN palabra di forsa na famia di e fayecido.
